“KLGJ dhe KLP janë struktura politike, ndërsa SPAK nuk po bën punën e duhur”, u shpreh nënkryetari i PD, Oerd Bylykbashi, ndërsa foli për reformën në drejtësi, duke bërë edhe një paralajmërim të fortë mbi gropën që po krijohet për shkak të mungesës së gjyqtarëve dhe dosjeve që duan vite për tu shqyrtuar.
“Kjo reformë është e arkitektuar keq. Mënyra se si është ndërtuar është keq.
Do ndodhë ajo gropa në sistemin e drejtësisë, se nuk ka gjyqtarë. Që të vijë radha për të shqyrtuar të drejtën tënde duhet të presësh me vite”, u shpreh ai në emisionin “Top Talk”.
Nënkryetari i PD-së ngriti akuzat se strukturat e drejtësisë, duke filluar nga Këshilli i Lartë i Prokurorisë dhe Këshilli i Lartë Gjyqësor, janë të kapura nga politika.
