Partizani është hedhur në merkato për të kompletuar skuadrën në prag të ndeshjeve të Ligës së Konferencës, ku afrimi i radhës është portieri Bekim Rexhepi nga Shkëndija e Tetovës.
Klubi i kuq ka zyrtarizuar gjithçka me anë të një postimi në rrjetet sociale, teksa ka bërë me dije se 25-vjeçari ka firmosur një kontratë 3 vjeçare.
“Bekim Rexhepi do të jetë pjesë e Partizanit për tre sezonet e ardhshme. FK Partizani me kënaqësi zyrtarizon arritjen e marrëveshjes me KF Shkëndijën e Tetovës për transferimin e portierit nga Shkupi, i cili ka zgjedhur të kuqtë për të vijuar karrierën në kampionatin tonë. Gardiani 25 vjeçar ishte pjesë e Skënderbeut në formulën e huazimit nga KF Shkëndija.”- shkruhet në njoftimin e Partizanit.
Rexhepi bëhet kështu goditja e radhës në merkato për Partizanin që ka përforcuar kështu edhe repartin defensivë.
