Kryeministri Albin Kurti tha se bashkëpunimi midis Shqipërisë dhe Kosovës nuk ka qenë asnjëherë më i gjerë sa sot sa në burimet njerëzore aq edhe ato natyrore.
Kurti tha se kur nuk ekzistojnë probleme politike, atëherë bashkëpunimi në çdo fushë tjetër forcohet dhe rritet.
“Synimi ynë mbetet Bashkimi Europian, ndaj dhe ne po zbatojmë praktikat tashmë të njohura të BE-së”, tha Kurti. Ai ka vlerësuar zbatimin e marrëveshjeve mes dy vendeve, duke theksuar se po lehtësohet jeta e qytetarëve.
Gjithashtu Kurti tha se po punohet për të zbatuar marrëveshjet e nënshkruara kohë më parë, pasi ato janë vënë në zbatim në masën 59 %, krahasuar e 93 % që janë zbatuar marrëveshjet e nënshkruara në mbledhjen e 6 muajve më parë.
Kryeministri i Kosovës tha se marrëveshjet që janë nënshkruar bazohen në praktikat më të mira të Bashkimit Europian.
