Victor da Silva është një nga futbollsitë me të cilin klubi i Partizanit ka arritur dakordësinë për transferimin te “demat e kuq”. Da Silva, pas dy sezoneve të suksesshme në Shkodër, është lojtari më i ri i Partizanit.
Megjithatë, zyrtarizimi në klubin e kuq po vonon. Shkaku për këtë vonesë, është aspekti fizik i Da Silvas, pasi Partizani kërkon të sigurohet në çdo detaj për gjendjen fizike të brazilianit, i cili u dëmtua disa herë në sezonin e shkuar te Vllaznia.
Da Silva u dëmtua edhe në ndeshjen e Kupës ndaj Laçit, kur e la fushën që në pjesën e parë për shkak të problemeve fizike, çka jep sinjale se ai mund të jetë ende i dëmtuar. Kështu, deri sa braziliani të kalojë të gjitha vizitat mjekësore, nuk do të zyrtarizohet si lojtar i Partizanit.
