KryeministriEdi Rama, i shoqëuar nga ministrja e Bujqësisë Frida Krifca dhe ministrja e Energjisë dhe Infrastrukturës, Belinda Balluku ka zhvilluar një vizitë në disa prej fermave në Dibër të mbjella kryesisht me qershi.
Pavarësisht se fermerët këtë vit për shkak të mbiprodhimit, janë detyruar të çojnë dëm sasi të mëdha të qershive, Rama u shpreh se duhej të rritje akoma prodhimi edhe i frutave të tjera.
Mes të tjerash, i ulur këmbëkryq duke shijuar disa kokrra qershi, ai tha se Dibra do të bëhej rrethi i parë i agropërpunimit bujqësor.
Rama shtoi se me rrugën e Arbrit, Dibra do të futen në tregun e Tiranës, ku do të shiten produktet e fermerëve.
Fermeri i tha Ramës se ajo që presin të gjithë fermerët nga Qeveria është subvencioni, janë lekët, pasi për të tjerat, duhet të mendojnë vetë të zotët e tokës, ata që merren me bujqësi.
“Ti ke shumë halle e probleme, mjafton na jep lekët dhe të tjerat i zgjidhim ne. Ne e dimë se çfarë kërkon tregu, se çfarë duan qytetarët, ti veç na siguro financimin”, i tha fermeri.
