Qytetarët kanë dalë në protestë ditën e sotme për të protestuar mbi rritjen e çmimeve. Gjatë nisjes së protestës, një qytetar ka deklaruar se shqiptarët përsa i përket të ardhurave për frymë, nuk e njohin minimumin etik.
“Në bazë të statistikave për sa i përket të ardhurave për frymë shqiptarët janë të fundit në Evropë. Janë të fundit në Evropë por dhe në Ballkan për sa i përket pagës minimale. Është një nga shtetet që nuk e njeh si qenie njerëzore, nuk e njeh minimumin jetik. Ne si të rinj po të shkojmë të flemë në një lulishte në Gjermani, shteti gjerman të njeh si qenie njerëzore dhe të jep 400 euro. Ndërsa në Shqipëri shteti të braktis dhe të thotë ulu e vdis te cepi i trotuarit. Ky shtet që ti i paguan 20% taksë”, tha protestuesi.
