Detaje të reja kanë dalë në dritë në lidhje me vrasjen e Aleksandër Sadikajt në Tiranë.
Bashkëjetuesja e tij ka dhënë të tjera detaje për ngjarjen tragjike.
Ajo ka deklaruar se Aleksandri kishte vënë re një dëmtim në makinë, por se nuk i ka dhënë rëndësi.
“Aleksandri kishte vënë re një dëmtim në makinë. Por, se ai nuk i ka dhënë rëndësi një detji të tillë”, ka thënë ajo.
“Me Aleksandërin kam darkuar në një restorant në afërsi të Tiranës së re rreth orës 23:20. Bashkëjetoja me të prej tri vitesh. Pasi kemi darkuar kemi zbritur dhe kemi marrë automjetin ku edhe kemi shkuar nw banesw. Kur kanë parkuar automjetin Sadikaj ka konstatuar se llamarina e serbatorit ishe e hapur, por Aleksandri nuk është shqetësuar dhe ka shkuar e ka mbyllur vetë llamarinën që të mos e linte të hapur gjatë natës.
Të nesërmen në mëngjes ika për në punë dhe Aleksandrin e kam lënë në gjumë e më vonë kam mësuar për ngjarjen e ndodhur”, ka thënë ajo.
Sipas dëshmisë së saj, por edhe të personave të tjerë të afërt me Sadikajn, një nga pistat e mundshme të ekzekutimit të tij janë borxhet.
Aleksandër Sadikaj u vra ditë më parë, kur makina e tij ishte në lëvizje në aksin nacional Tiranë-Elbasan, afër Saukut.
Policia dyshon se mjeti është hedhur në erë me një sasi lënde eksplozive teksa ishte në lëvizje e sipër.
Sadika humbi të dyja këmbët dhe u transportua në gjendje të rëndë në spital, ku humbi jetën.
Ai kishte një biznes në Memaliaj, ndërsa bënte një jetë mes vendit të origjinës dhe Tiranës. Një pistë tjetër e vrasjes dyshohet edhe hesapet për çështje të trafikut të drogës.
