Partia Socialiste feston 31 vjetorin e ndryshimit të emrit të saj nga PPSH në PS. Për këtë socialistët do të organizojnë pasditen e së dielës në oborrin e selisë së tyre një festë, ku të ftuar janë ish-anëtarë të vjetër të saj, të cilët u përzunë nga selia e funksionet e tyre, pasi Edi Rama mori drejtimin e socialistëve në 2005.
Një ftesë për të marrë pjesë në festimet e socialistëve i është dërguar edhe LSI, e cila pritet të përfaqësohet nga nënkryetarja Erisa Xhixho dhe nga Sekretari i Përgjithshëm, Endrit Braimllari.
Ndërkohë në festën e socialistëve nuk ka pasur ftesa për asnjë nga grupimet në rradhët e demokratëve, edhe pse zyrtarisht ata njohin si linjën zyrtare të partisë më të madhe të opozitës atë të drejtuar nga Enkelejd Alibeaj.
