Automjetit që shpërtheu në flakë në afërsi të TEG-ut këtë të Shtunë iu vu eksploziv, ka konfirmuar policia. Ndërsa drejtuesi, Aleksandër Sadikaj ka humbur jetën.
Në një njoftim paraprak për ngjarjen, policia e Tiranës sqaron se në orën 13:35, në afërsi të TEG-ut, automjeti tip “Benz”, që drejtohej nga 27-vjeçari, ka shpërthyer. Dyshohet, sipas të njëjtave burime, nga lëndë eksplozive.
Si pasojë u dëmtua drejtuesi i mjetit i cili është transportuar për në spital.
Në një njoftim të dytë, blutë konfirmuan se i riu humbi jetën.
“Në vendngjarje ndodhen shërbimet e Policisë, ekipi antieksploziv i RENEA-s dhe Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve”, njofton më tej policia.
