Një skandal për blerje votash është zbuluar vetëm dy ditë para zgjedhjeve lokale në Itali.
Një kandidat i partisë “Frateli d’Italia” (Vëllezërit e Italisë), e ekstremit të djathtë, u arrestua pasditen e sotme në Palermo të Siçilisë, me akuzën për bashkëpunim me mafian.
Në pranga ka rënë Francesco Lombardo, 54 vjeç, i cili në përgjimet e policisë, shfaqet duke komunikuar me “kumbarin” Vincenzo Vela, i cili ishte dënuar me 20 vite burg dhe së fundmi ishte liruar dhe duke i kërkuar ta ndihmojë për të blerë vota.
Lombardo u zbulua se i kishte kërkuar hapur “kumbarit” të Cosa Nostra, edhe ai tashmë në pranga, që ta mbështeste me të gjitha forcat për t’u zgjedhur në këshillin bashkiak të kryeqytetit sicilian.
Për të njëjtën akuzë u arrestuan pak ditë më parë Pietro Politsi, kandidat i partisë “Forza Italia”, mafiozi Agostino Sansone dhe bashkëpunëtori i tij Manlio Poretto.
