Kreu i PD-së, Sali Berisha, i ka bërë thirrje miqve të Shqipërisë në Evropë dhe SHBA të ndërpresin çdo mbështetje për regjimin monist të Ramës
Sipas tij, Rama mbështet nga George Sorso, përmes të cilit ka vënë nën kontroll shoqërinë civile dhe sistemin e drejtësisë.
Ndërkohë, i pyetur nëse ndihet i izoluar nga ndërkombëtarët, ai u përgjish se nuk do përkrahjen e askusjt nga ndërkombëtarët.
“Asnjë shqiptar nuk duhet të harrojë se Shqipëria nuk është republika moniste e Enver Hoxhës, por republika moniste e Ramës. PD i bën thirrje miqve të Shqipërisë në Evropë dhe SHBA të ndërpresin çdo mbështetje për regjimin monist të Ramës si një kontribut për vendosjen e sistemit demokratit kushtetues të kontrollit dhe balancave”, tha Berisha.
“Edi Rama, bleu dhe rrëmbeu votat, largoi nga vendi gjysmë milioni shqiptarë. Bleu dhe mori peng drejtuesit e opozitës me tendera. Kjo zhbërje e balancës, ngritjes së një sistemi monist në Shqipëri, Rama pati mbështetje të fuqishme të George Soros”, shtoi ai.
Ish-kryeministri, gjatë konferencës për media këtë të Premte, paralajmëroi dhe nisje të protestave së shpejti.
I pyetur se kur do të nisin protestat opozitare pas thirrjes që ai ka bërë për ngritjen në këmbë të shqiptarëve dhe drejtuesve të PD-së, Berisha iu përgjigj se PD është e vonuar pasi grupet dhe qytetarët janë gatiL “Jam i vonuar në artikulimin tim pasi zemrat e njerëzve po ziejnë. Lëvizjet janë interesante nganjëherë u prin nganjëherë të prijnë ato. Kërkesa për protesta janë universale dhe PD është e vonuar. I kemi grupet qytetarët anëtarësinë, grupet e interesit janë të gjithë para nesh dhe do të zbatojmë dhe do të jemi në lartësinë e vendimeve tona ndaj tyre”.
