Policia italiane ka arrestuar 10 persona për trafik droge, ndërsa një tjetër është shpallur në kërkim. Grupi kriminal përbëhej nga 5 italianë dhe 6 shqiptarë.
Droga transportohej në Puglia dhe më pas shpërndahej edhe në rajone të tjera. Baza e prodhimit dhe shpërndarjes së drogës ishte zhvendosur nga Shqipëria në provincat e Barit dhe Foggia.
Nga këtu organizata kriminale shpërndante sasi të mëdha droge në rajone të tjera, si Bazilikata dhe Siçilia.
Sistemi i zhvilluar nga një bandë e përbërë nga pesë italianë dhe gjashtë shqiptarë ishte i sprovuar: dhjetë u arrestuan nga Dia me akuzën e prodhimit dhe shitjes së drogës, mbajtjen dhe marrjen e armëve të vjedhura; një person është ende në kërkim.
Personat janë nën hetim për vepra të ndryshme, nga prodhimi e shitje e lëndëve narkotike, te mbajtja e armëve pa leje .
