Nënkryetari i LSI, Petrit Vasili, u shpreh në një intervistë për Syri Tv se Qeveria ka përfituar 300 milionë euro ndërkohë që çmimet nuk ulen aspak dhe me çmimet e rritura mbushen arkat e qeverisë dhe të oligarkëve.
Vasili tha se ne kemi propozuar dy projekt ligje, një për çmimin e karburanteve, heqjen e përkohshme të taksës së qarkullimit dhe të karbonit, për të ulur çmimin e karburantit për të tërë. Sipas tij, në vend të bordit të çmimeve që është një pazar mes qeverisë dhe oligarkëve që kontrollojnë tregun e karburanteve për të vendosur çmimet si të duan ata.
“Qeveria ka përfituar 300 milionë euro ndërkohë që çmimet nuk ulen aspak dhe me çmimet e rritura mbushen arkat e qeverisë dhe të oligarkëve.
Çfarë bëjnë këta? Ndërkohë që kalojnë akte normative në mënyrë të përditshme, kur opozita jep një propozim që kjo emergjencë çmimesh të trajtohet, kjo as nuk merret në shqyrtim.
Është e qartë se ata kanë votat dhe mund të rrëzojnë gjithçka por kanë detyrë ta shqyrtojnë dhe ta bien në sallën e Kuvendit dhe ta votojnë dhe shqiptarët ta kuptojnë se çfarë bën qeveria dhe opozita.
Bëjnë sikur nuk kuptojnë i harrojnë dhe dalin para shqiptarëve dhe krijojnë bordet e hajdutëve ndërkohë që nisma e opozitës shumë konkrete nuk e marrin në shqyrtim”, tha Vasili.
