Ambasada e SHBA në Tiranë ka reaguar pas operacionit të KFOR që bëri të mundur nxjerrjen nga humnera të dy efektivëve në një zonë malore të fshatit Shosh, Dukagjin.
Sipas njoftimit, Misioni i KFOR-it dërgoi një helikopter Black Hawk në veri të Shqipërisë, pas kërkesës për ndihmë nga autoritetet shqiptare.
“Sot (28 maj 2022), pas një kërkese për ndihmë nga autoritetet shqiptare për evakuimin mjekësor të dy policëve shqiptarë, të cilët pësuan një aksident të rëndë në një rajon malor në veri të Shqipërisë, Misioni i KFOR-it i udhëhequr nga NATO dërgoi në vendin e aksidentit një helikopter Black Hawk nga Trupa e Aviacionit Lindor të Komandës Rajonale të KFOR-it.
Ekuipazhi mjekësor i evakuimit, me ndihmën performancës së lartë të helikopterit Black Hawk në shpëtimin me ngritje, nxorri në mënyrë të sigurt dy oficerët e plagosur të policisë dhe më pas u dha ndihmë mjekësore.
Pas stabilizimit, personeli i plagosur është transportuar në spitalin e Tiranës për ndihmë të mëtejshme mjekësore”, thuhet në deklaratën e ambasadës amerikane.
