Detaje të reja kanë dalë në dritë nga operacioni i Call Centerave të ushtruar një ditë më parë në kryeqytet.
Burime bëjnë me dije se një nga subjektet e goditura ndodhej në Rrugën e Kavajës, ndërsa një tjetër pranë Kopshtit Zoologjik. Në kuadër të këtij operacioni janë disa persona të arrestuar, ndërkohë më shumë se 80 operatorë që janë gjetur brenda zyrave janë marrë në pyetje.
Agjentët e policisë kanë gjetur gjithashtu mbi 800 mijë euro në zyrat e call centerave, ndërkohë janë sekuestruar kompjutera, usb, servera, kamera etj.
Sipas raportimeve, Mateo Hoxha dhe Tedi Agastra dy prej të arrestuarve shumat e parave i konvertonin në cryptomonedha.
Dyshohet se janë me mijëra qytetarë evropianë të mashtruar dhe dëmi përllogaritet të jetë më shumë se 50 milionë euro i shkaktuar nga aktiviteti i këtyre call centerave.
Masat e lëshuara nga Prokuroria:
- Arrest në burg
- Eduart Dalla
- Mateo Hoxha
- Tedi Agastra
- Ledio Toçi
- Xhoel Mekollo
- Marsel Lami
- Xhoji Hitaj
- Ndalim dalje jashtë vendi
- Aida Vokli
- Ledjon Cenaj
