Belind Këlliçi ishte kandidati më i votuar në listën fituese të 20 anëtarëve të Kryesisë së PD. Pas zgjedhjes së anëtarëve të Kryesisë, pritet që PD të zgjedhë edhe nënkryetarët dhe Sekretariatin, proces që mund të mbahet javën e ardhshme.
I ftuar në Ora News, Këlliçi nuk e fshehu ambicien për të kandiduar për postin e Sekretarit të Përgjithshëm të PD, por shtoi se do ti duhet një konsultim i gjerë në mënyrë që vendimi të jetë në favor të partisë.
“Tani që flasim nuk ka asnjë orë që ka dalë rezultati, ambicia ime ka qenë të jem pjesë e Kryesisë. Patjetër që në një moment më duhet të reflektoj, më duhet të ulem dhe me mbështetësit e mi, me gjithë faktorët në PD sepse më duhet të marr një vendim të pjekur që i shërben më së mirë PD, jo vetëm Belindit.
Më intereson e mira e madhe, një PD fituese, kompakte, e cila mund Edi Ramën. Kudo ku në këtë puzzle Belindi shërben më shumë, unë jam i gatshëm ti bindem vullnetit të demokratëve. Sot që ne flasim sapo jam konfirmuar anëtar i Kryesisë, do të mbetet për tu parë në ditët në vijim”, tha Këlliçi.
