Ish-deputeti Lefter Maliqi u shpreh optimist se pas 25 korrikut do të ketë një rivitalizim të opozitës. Maliqi u shpreh se në shtator-tetor opozita e bashkuar do të nxjerrë kandidatët për kryebashkiakë, përmes procesit të primareve.
“Ka shumë socialistë të zhgënjyer, të cilët do i bashkohen Presidentit Ilir Meta. Gjithashtu pas lënies së funksionit të Presidentit, të jeni të bindur që Ilir Meta do të grumbullojë edhe shoqërinë civile. E gjithë kjo energji, bashkë me atë të dr.Sali Berishës, do të sjellë ndryshimin në Shqipëri.
Thirrja ime është kjo, që opozita duhet të bashkohet dhe të jeni të bindur që binomi Berisha-Meta dhe opozita e bashkuar do të marrin mbi 25 bashki në vend”, tha Maliqi në një intervistë për Oranews.
Ai tha se sot drejtësia është e kapur, ndërsa shtoi se po goditen disa elementë, por nuk po preken ata që ndihmuan Edi Ramën në zgjedhjet e fundit.
