Partnerja e Shkëlzen Berishës, blogerja dhe moderatorja Armina Mevlani, ka treguar përshtypjet e para pas zgjedhjes së liderit historik të PD-së në krye të partisë që themeloi.
Në emisionin “Goca&Gra”, Armina tha se Berisha u thirr nga baza për të rimarrë drejtimin e Partisë Demokratike. E pyetur nga Daliza Buzi nëse shtruan darkë pas këtij gëzimi, Armina nuk preferoi të jepte komente.
Pjesë nga biseda në studio:
Dalina Buzi: Përsëritet lajmi se Sali Berisha merr drejtimin e PD. 30 vjet. Armina…
Armina Mevlani: Kam konflikt interesi, ça të them
Dalina Buzi: Po a kishte gëzim? A shtruar ndonjë tavë me pula
Armina Mevlani: Gëzim sigurisht që kam por më mirë mos të jap komente të tjera.
Rita Petro: Sa kanë votuar nga anëtarët e shtëpisë?
Armina Mevlani: Të gjithë. Kësaj herë më shumë se nga familja, e kanë thirrur njerëzit.
Dalina Buzi: Unë kam një teori timen që Berisha nuk ka ikur asnjëherë nga PD. Është lideri historik. Kam qenë në një familje që nuk e ka dashur kurrë Berishën. Ai ka aftësi ose ta bësh ta urresh, apo ta urresh në marrëzi. Babai im shante vetëm kur dilte ai. Ai është vjehrri yt por i përket të gjithë shqiptarëve. Berisha nuk u largua nga PD asnjëherë. Ai e la dhe e mori prapë. Dhe e vetmja kohë që e la ia la një njeriu që është e kundërta e tij. S’e e kap pasuria edhe liderin. Atë që e ka Berisha e kanë pak lidera që mbeten në historinë e botës. Ai e njeh popullin e tij shumë mirë dhe është dukur gjithmonë më në tokë nga të gjithë liderët më i vërteti. Dhe më me popullin, më me njeriun. Askush nuk mund të jetë në drejtim të PD veç tij.
Rita Petro: Unë jam më mes.
Dalina Buzi: Kur ti piqesh, sheh balancat, por edhe ai vetë ka mësuar me kalimin e kohës.
