Dy persona janë arrestuar në Gjirokastër pasi u kapën në flagrancë duke transportuar 4 refugjatë me automjet.
Gjatë operacionit, në vendin e quajtur “Ura e Lumit”, në Gjirokastër, shërbimet e Policisë kapën në flagrancë shtetasit K. L., 22 vjeç dhe K. M., 20 vjeç, banues në Tiranë, duke transportuar me automjetet e tyre, 4 emigrantë të paligjshëm nga vendet MENA, kundrejt fitimit, njoftoi policia.
Specialistët e Seksionit për Hetimin e Trafiqeve të Paligjshme, në bashkëpunim me shërbimet e Policisë Rrugore dhe Forcën e Posaçme “Shqiponja” sekuestruan në cilësinë e provës materiale dy automjete, dy aparate celulare dhe një shumë parash, shtuan të njëjtat burime.
Të arrestuarit akuzohen për veprën penale “Dhënia ndihmë për kalim të paligjshëm të kufijve”.
