Debate të forta janë regjistruar pasditen e sotme në Kuvendin e Shqipërisë lidhur me krimet e komunizmit. Deputeti Enkelejd Alibeaj duke iu drejtuar Kryeministrit Edi Rama tha se mbeturinat e komunizmit janë ende në këtë sallë, ti ke makthe, largoju ti i pari dhe do e shikosh si do ikin edhe të tjerët.
Alibeaj tha se si shenjë pendese duhet të bësh një punë të mirë për ata që kanë vuajtur në kurriz diktaturën komuniste. “Ti je fytyra moderne e diktaturës”, tha Alibeaj, duke iu drejtuar Ramës.
Sakaq, Alibeaj i tha Ramës të shikojë non gratat e tij, duke iu referuar kështu sulmeve të Rams për Berishën.
Në replikë me deputetin Alibeaj, Rama tha “më thuaj kush janë non grata-t në Grupin Parlamentar socialist, kurse unë t´a them kë keni non grata, por ju jeni kur fle me atë, gdhihesh me atë, ndaj ju ka zënë edhe juve tani”.
Debati:
Enkelejd Alibeaj: Nuk ke ndërgjegje për atë që kanë bërë të parët e tu. E di që ai të gjithë jetën e vet e ka kaluar burgjeve. Ke ti ndonjë lloj ndjesie njerëzore? Prandaj iku ai. Do të lartësonte realisht nëse do të ndjeje diçka. Askush nuk të thotë të kesh përgjegjësi për të parët e tu. Se ke filluar gjithë kohës të thuash non grata, non grata. Për të qenë i ndshëm shiko non gratat e tu.
Edi Rama: Ku janë?
Enkelejd Alibeaj: Ke dy, tre, dy të tjerë i ke andej…
Edi Rama: Më trego një
Enkelejd Alibeaj: Ti di të lexosh edhe shqip edhe anglisht. Lexo atë të DASH. Kjo do të tregonte ty amerikanin, pro perëndimorin. Flet ti për mbështetjen që u ke dhënë të përdjekurve. Pse do ta nxjerrësh këtë si virtyt. Edhe ne s’kemi bërë shumë. Kemi një borxh të madh të atyre njerëzve të parët e atij që iku. Ty të dalin çdo 5 maj me flamur të kuq dhe ti nuk pipëtinë. Në respekt të atyre që eshtrat u janë kthyer përmbys. E bën dot këtë ti. Do jem unë i pari që të them faleminderit.
Edi Rama: The shumë gjëra, the që shava atë, nuk e shava. Ua kam thënë ju keni probleme të mëdha me gjuhën shqipe. E para meqë më the për të parët e mi, me kë të parë e ke? Nëse e ke me tim atë, im atë është ai përpara veprës së të cilit edhe Leskua edhe ti edhe Fredua dhe të gjithë ju thyeni kërbishten atje. Nëse e ke me gjyshërit, merr dhe lexo kush ishin,. Nëse e ke me stërgjyshërit, lexo se kush ishin. Unë në bllok nuk kam jetuar kurrë, e kam pasur shtëpinë në rrugën Muhamet Gjollesha pallati 18, kam patur një shtëpi si gjithë të tjerët. Im atë nuk ka qenë kurrë anëtar i Komitetit Qendror dhe nuk kam unë asnjë problem se çfarë thoni ju, çfarë ju kanë thënë, apo çfarë do më thonë. Ju që flisni me këtë gjuhë jeni shembulli i inercisë së ideologjisë së Enver Hoxhës. Enver Hoxha sot është gjallë përmes jush, përmes mënyrës se si ju e kuptoni kundërshtarin njësoj si ai, me ndryshimin që ju nuk keni fuqinë që kishte ai, që të fuste plumbin ose në burg. Unë nuk pres as respektin e askujt prej jush, mua më mjafton respekti i atyre që kur dolën nga burgu pas shumë e shumë vitesh, jo vetëm që nuk kishin asnjë lidhje me ju, por ishin komplet e kundërta juaj, sepse ishin komplet e kundërta e Enver Hoxhës. Partia e Enver Hoxhës ju bëri si veten, në shumë prej jush futi urrejtjen, dhe tek shumë prej jush futi kompleksin e inferioritetit dhe përçmimit. Kjo nuk është koha e Enver Hoxhës, dhe nuk përballet kundërshtari me këto argumenta. Ju u rritët politikisht në vatrën e sekretarit të Enver Hoxhës, e mori PD-në dhe e zotëroi plotësisht se ishte nxënës i Enverit. Ju jeni qeverisur nga komunisti antikomunist, që është edhe më i ziu. Ju nuk keni asnjë vizion ardhmërie, asnjë kuptim të demokracisë, shikoni si u demaskuat të gjithë ju, me ato konventat e referendumet, të gjithë duke vjedhur votat.
