Nga Klodian Tomorri
Në stadiumet e Europës luhen çdo javë ndeshje si Real-Inter, Barcelona-Juve, Liverpool-Bayern etj etj. Javë për javë. Imagjino të dalë ministri i brendshëm i Italise dhe të bllokojë Milanon apo ai i Spanjçs te bllokoj Madridin. Ia presin veshët.
Këta këtu po organizojnë një ndeshje modeste dhe kane vendosur ligjin e luftës me vendim qeverie. Për Roma-Feynord, që praktikisht një ndeshje e dorës së tretë. Për këtë del ministri i brendshëm, kryetari i bashkisë dhe gjithë sorrollopi i pushtetit kërcënon njerëzit mos hajdeni në Tiranë. Kurse atyre që banojnë u thonë rrini mbyllur në shtëpi mos dilni të mërkurën.
E gjitha kjo është falë vizionit dhe punës së mirë që ka bërë qeveria. Fillimisht duke ndërtuar stadiumin në mes të qytetit. Ka 100 vjet që në Europe nuk ndërton më njeri stadium në mes të qytetit. I cojnë nëpër perfieri, kështu zhvillojnë dhe rrethinat. Por këta kishin hallin e dyqaneve dhe hotelit ndaj e ngulën stadiumin aty. .
E dyta, tregon se sa e jetueshme është Tirana. Si i thotë asaj fjalës Bashkia, mobiliteti? Në fakt, fjala e duhur është kapsllëku se rrugët në Tiranë i ka ngrëne Lali me pallatet dhe biçikletat.
Një ndeshje futbolli me 30 mijë tifozë fusin një qytetet te tëre në burg. Në stadiumet e Europës luhen çdo javë ndeshje me 100 mijë tifozë.
