Nga Klodian Tomorri
Sot shqiptarët me shumë gjasë do provojnë uljen e akcizës së naftës që u premtoi qeveria. Por ulja do jetë pak me gungë.
Dje çmimi i naftës u rrit me 160 e ca dollarë për ton në Plats dhe kaloi mbi 1600 dollarë.
Duke qenë se për 3-4 ditët në vijim nuk ka referencë çmimi, ngaqë bursat do jenë mbyllur për Pashkët, ky çmim me shumë gjasë do të jetë baza reference e çmimit të naftës me pakicë në vend për javën në vijim besoj.
Tani, me llogaritë e mia, nëse aplikon formulën e Bordit, rritja me 160 dollarë për ton në Plats, korrespondon me 16 lekë për litër shtesë në tregun e brendshëm.
Kjo e çon çmimin e naftës 235 lekë për litër nga 218 që është aktualisht.
Meqenëse kur çmimi kërcen mbi 220 lekë për litër hyn në fuqi automatikisht ulja e famshme me 20 për qind e akcizës, atëherë llogaritë shkojnë kështu;
1- Çmimi sipas formulës 235 lekë për litër.
2- Ulja me 20 për qind e akcizës zbret përafërsisht 9 lekë për litër, me 4 shifra pas presjes dhjetore. (Bashkë me efektin e tvsh-së).
3- Çmimi i ri i naftës bëhet rreth 225-226 lekë për litër nga 218 lekë që është sot.
Pra miletit iu ulen taksat, por çmimi i naftës do t’i rritet me një 8 lekësh për litër dhe do shkojë 225 ose 226 lekë.
Njësoj si ai skeçi me atë që shkoi në hotel dhe e vunë të paguante dushin, shampon, peshqirët etj edhe pse nuk e kishte përdorur.
Kështu që mbushni naj gjë para se të mblidhet Bordi i Paqes se keq puna. Sa te fusim çik në radar atë naftën që na ka dalë jashtë.
