Java parashikohet të nisë me kthjellime e vranësira të cilat në zonat malore e kodrinore do të marrin karakter të dendur. Në këto zona gjatë mesditës e pasdites së ditës së Hënë, parashikohen reshje shiu e shtrëngata. Lokalisht reshjet do të jenë në formën e rrebesheve, breshërit me shkarkesa elektrike.
E kundërta do të ndodhë ditën e Martë kur moti në të gjithë vendin parashikohet i kthjellët, parashikon Shërbimi Meteorologjik Ushtarak.
Në ditët e ardhshme do të jenë të pranishme kryesisht vranësirat e larta shtresore të cilat do të sjellin praninë e zagushisë.
Temperaturat do të pësojnë rritjet duke i bërë këto ditë të fundit të pranverës si ditë vere të vërteta.
Era parashikohet të fryjë kryesisht nga kuadrati i jugut e lehtë e mesatare duke sjellë një valëzim të forcës 3 ballë.
