Një e moshuar është gjetur e mbytur në Liqenin e Pogradecit. Policia njoftoi se trupi i pajetë u gjet mesditën e së dielës në vendin e quajtur “Pompat e Tushemishtit”.
Viktima, 71 vjeç, banuese në Korçë, e cila ishte larguar nga banesa me 12 shkurt 2022, u gjet pa shenja jete në liqen.
Pogradec/Informacion paraprak
Më datë 22.05.2022, rreth orës 11:35, jemi njoftuar se në vendin e quajtur “Pompat e Tushemishtit” në Pogradec, është gjetur e mbytur në liqen shtetasja H. Q., 71 vjeçe, banuese në Korçë, e cila ishte larguar nga banesa më datë 12.02.2022. Nga këqyrja paraprake e kufomës, nuk janë konstatuar shenja dhune.
Grupi hetimor po punon për sqarimin e rrethanave të ngjarjes.
