Pamundësia për t’u lidhur me tre vende për të shpallur rezultatin e jurive të tyre gjatë finales së Eurovizionit thuhet se nuk ishte i rastësishëm.
Shembull tipik ishte Gjeorgjia, kur përfaqësuesja nuk u shfaq asnjëherë për të thënë pikët e saj, të cilat u bënë me dije nga mbikëqyrësi i festivalit, Martin Österdahl. Por mungesa e saj, siç duket, nuk është për shkak të problemit teknik. Munguan gjithashtu dhe përfaqësuesit nga Azerbajxhani dhe Rumania, pikët e të cilëve u dhanë gjithashtu nga Österdahl. Unioni Evropian i Transmetuesve (EBU) tha se kishin vënë re tentativa për të manipuluar rezultatet.
“Në mënyrë që të jetë në përputhje me udhëzimet e votimit të konkursit, EBU punoi me partnerin e saj votues për të llogaritur një rezultat të përgjithshëm zëvendësues për secilin vend në fjalë si për gjysmëfinalen e dytë ashtu edhe për finalen e madhe (llogaritur në bazë të rezultateve të vendeve të tjera me modele të ngjashme votimi)”, thuhej në deklaratë.
