Nga Boldnews.al
Kryeministri Edi Rama në vazhdën e propagandës personale, vizitoi sot në Gjykatën Ndërkombëtare të Hagës ish-presidentin e Kosovës Hashim Thaçi, i akuzuar për krime lufte gjatë kohës kur ishte pjestar i UÇK-së. “Ishte një vizitë, ishte një çmallje e nevojshme, Thaçin e gjeta në top formë, i bindur mbase dhe më shumë se para se të vinte këtu që ishte një rrugë e pashmangshme për të provuar katërcipërisht para drejtësisë pastërtinë e plotë të Luftës Çlirimtare dhe të idealit të ushtrisë”-tha Rama.
Por ndërsa mediat këtu në vend po e shesin kryeministrin si “patriot”, në fakt vizita e tij është gati një detyrim, pasi pak para se Thaçi të arrestohej për akuzat e rënda (që vështirë se bëjnë pis luftën e drejtë të UÇK-së), treshja Thaçi-Rama-Vuçiç, ishin gati të hapnin një “luftë të re” shumë më të madhe sesa e kishin hapin e tyre. Prej të treve u artikulua “korrigjimi i kufijve”, që nuk ishte as më shumë e as më pak sesa një pazar i vogël që mund të nxiste një konflikt shumë të madh.
Qëllimi ishte që Mitrovica e Veriut ti bashkangjitej Serbisë, ndërsa një pjesë e Luginës së Preshevës të kalonte në Kosovë. Lobet punuan, bashkë me këtë treshe që me hartë në duar, si të ishte tortë dasme thirnin plane sesi të vihej në zbatim. Qëndresa e prerë e ish-kancelares gjermane Angela Merkel që një ide e tillë as nuk mund të diskutohej, jo më të vihej në zbatim, t’kurrën Ramën që në këtë rast fshehu kokën e vet, duke deklaruar se nuk ishte artikuluar ndonjëherë për “korrigjim kufijsh”, por nga ana tjetër shiti pa asnjë të keq mikun Thaçi, duke mohuar pasjen dorë në këtë ide më shumë se të çmendur.
Si Rama ashtu edhe Vuçiç vijojnë të jenë dy nga liderët problematik në Ballkanin Perëndimor, që kanë probleme të theksuara si me votën e lirë, lirinë dhe të drejtat e njeriut, zbatimin e ligjit dhe lirinë e medias. Këto çështje themelore që as burgu i Hagës nuk i lan.
Lajmi i mirë është se Rama po viziton ambientet e burgjeve. Adoptimi nuk ka sgjë të keqe. Gjithashtu është një procedurë që mund ta ndjekë edhe në Shqipëri për tu çmallur me bashkëpunëtorët e tij më të mirë, si ish-ministrat Saimir Tahiri, Lefter Koka apo deputeti Alqi Bllako.
Edhe për ish-ministrat e tij Rama ka deklaruar se beson se ata janë pa faj. Përderisa ka bindje të tillë e ka shumë të lehtë që nëpërmjet një kërkese zyrtare në Drejtorinë e Përgjithshme të burgjeve të mund të viztojë këta bashkëpunëtorë, për të cilën është krenar për punët e “mira” që ka bërë bashkë me ta në këtë vend.
Edhe pse kushtet e burgjeve nuk janë të njëjta, “heqja e lirisë” është e njëojtë kudo. Ku i dihet, burgu edhe burrat e bëshëm, të gjatë e të fuqsiëhm kur ishin në liri i ka zbutur, duke i kthyer edhe në besimtarë që lexojnë librat e shenjtë, të çdo feje.
