Gjykata e Tiranës ka dhënë masën e sigurisë “arrest me burg” për 37-vjeçarin Olgert Dhimitri i cili pas një sherri banal qëlloi me thikë duke lënë të vdekur Ilir Kapon.
Konflikti mes viktimës dhe autorit ka nisur pasi viktima, Ilir Kapo, e ka sharë me termin “malok” dhe Olgert Dhimitri është ndjerë i ofenduar dhe ka nisur menjëherë debatin, i cili përfundoi me vrasje.
Autori dhe viktima ndodheshin në të njëjtin lokal, e të dy ishin nën efektin e alkoolit.
Pas arrestimit të tij nga policia, Olger Dhimitri fillimisht nuk ka qenë në gjendje që të japë dëshminë e tij, për shkak të efektit të alkoolit.
Ndërsa gjatë seancës së sotme përballë Gjykatës ai është shprehur se nuk mbante mend asgjë dhe se i vinte shumë keq për ngjarjen e aktin e rëndë që kreu duke shfaqur shenja pendese.
