Sandro Tonali shënoi dygolëshin e parë me Milanin në 22-vjetorin e lindjes.
Milani fitoi mbrëmjen e djeshme 1-3 me përmbysje në fushën e Hellas Verona, duke hedhur një tjetër hap drejt titullit kampion.
Mesfushori italian ndodhet në formë të shkëlqyer dhe po jep kontribut maksimal në fazën më të rëndësishme të sezonit.
“Ishte një natë e mrekullueshme për mua dhe gjithë tifozët e Milanit. Jemi një ekip i fortë, pasi shënuam tre gola me përmbysje në një stadium të vështirë.
Momenti im magjik? Unë jam një tifoz i Milanit, gëzohem dyfish kur fitojmë. Është një avantazh për mua fakti që jam tifoz i Milanit.
Kur shënova golin e 2-1, u ndjeva si tifoz. Ia bëra vetes dhuratën për ditëlindje, por edhe Milanit. Shijuam një mbrëmje që do e mbajmë mend gjatë. Tani fokusi tek Atalanta”.
Më pas një koment për Zlatan Ibrahimovic dhe rolin e tij te skuadra e Piolit.
“Kur ai nis e flet do të thotë që ai ka diçka të rëndësishme për të thënë. Zlatan dëshiron të fitojë gjithmonë, edhe kur ndodhet në pankinë”, deklaroi Sandro Tonali, i cili është kthyer në protagonist, duke ndihmuar kuqezinjtë të fitojnë titullin e 19-të në histori.
