Një ngjarje e rëndë ka ndodhur në Elbasan ditën e sotme ku një 52-vjeçare me emrin Fatbardha Likarma ka vrarë veten duke u hedhur nga kati i tretë i pallatit në lagjen ‘Vullnetari’.
Gruaja kishte bërë një denoncim më heret për dhunë në familje, ndërsa sot, në gjendje të rënduar psikologjike ajo është hedhur nga kati i tretë i pallatit.
Dhuna ndaj 52-vjeçares ushtrohej nga burri dhe vjehrra ndërsa mbrëmë policia shkoi në banesë pas denoncimit, por nuk mori masa në lidhje me ngjarjen.
Natën e mbrëmshme ajo e kaloi tek e motra ndërsa familjarët e saj janë të ngarkuar psikologjikisht pas ngjarjes së rëndë dhe kërcënojnë vjehrrën e Fatbardha Likarmës.
Ajo banonte në katin e parë të pallatit dhe kishte tre fëmijë.
Elbasan/Informacion paraprak
Më datë 04.05.2022, rreth orës 13:00, në lagjen “Vullnetari”, Elbasan, është hedhur nga kati i tretë i pallatit dhe për pasojë ka ndërruar jetë shtetasja F. L., 52 vjeçe.
Nga verifikimet e para rezulton se kjo shtetase vuante nga depresioni.
Në vendngjarje ndodhet grupi hetimor, i cili po punon për sqarimin e plotë të rrethanave të ngjarjes.
