Një vrasje e dyfishtë është shënuar në qytetin e Fierit. Një i ri ka vrarë të dashurën e tij dhe më pas veten. Ngjarja ka ndodhur rreth orës 11:40 në aksin rrugor Fier-Hoxharë, në afërsi të fshatit Shën Pjetër.
Drini Derveni nga Fieri dhe Ermira Arapi nga fshati Ngurrëz i Lushnjes, u gjetën të pajetë në një automjet.
32-vjeçari u gjet me një pistoletë TT në dorë me të cilën më parë kishte vrarë 29-vjeçaren e më pas kishte puthitur armën në kokën e tij dhe e kishte shkrehur.
Policia thotë se ngjarja është vrasje dhe vetëvrasje.
Motivet e saj janë ende të pazbardhura, megjithatë përmendet një histori dashurie mes dy të rinjve.
Burime thanë Drini Derveni ishte i martuar dhe më fëmijë edhe Ermira Arapi është e martuar. Pretendohet se ata ishin duke udhëtuar në rrugën Fier-Hoxharë në drejtim të bregut të detit dhe sapo kanë kaluar një urë, rreth orës 11:00 të kësaj të premte, mjeti tip “Jeep” ka dalë në anë të rrugës afër fshatit Shën Pjetër, ku ka ndodhur edhe ngjarja e rëndë.
E për shkaqe ende të pazbardhura nga policia, Drini Derveni qëlloi me armën e tij bashkëudhetaren e më pas qëlloi edhe mbi veten.
Policia ka marrë në pyetje edhe familjarët e dy të rinjve nga Fieri dhe Lushnja për të zbardhur shkaqet që çuan 32-vjeçarin të kryente vrasje dhe vetëvrasje.
Tragjedia ne Fier, djali vret te dashuren dhe… by news-al
