Një biznesmen i njohur në Vlorë ka qenë mesnatën e së enjtes shënjestër e një atentati të dështuar me minë me telekomandë në periferi të Tiranës.
Burime konfidenciale të Policisë së kryeqytetit bëjnë të ditur për Boldnews.al se në mjetin e biznesmenit V.B., e parkuar pranë zonës së Liqenit të Thatë, është gjetur 450 gr lëndë eksplozive e llojit C4, e lidhur me tel dhe me një bateri, e cila do të shërbente për ndezjen e detonatorit.
Policia, pasi ka marrë njoftimin për lëndën eksplozive në mjetin tip Benz të biznesmenit vlonjat, ka kryer veprimet e para dhe ka konstatuar se lënda ekspozive është tentuar të shpërthehet, por nuk është realizuar ndezja, pasi kapsolli i detonarit nuk ka funksionuar siç duhet.
Gjatë ditës së sotme priten të zbardhen detaje të tjera, mbi faktin nëse ka qenë në mjet biznesmeni vlonjat, pronar i një resorti turistik dhe agjencie udhëtimi.
Po ashtu, menjëherë kanë nisur hetimet për të evidentuar autorët e mundshëm të këtij atentati të dështuar.
