Një grabitje si nëpër filma ndodhi mesditën e sotme në rrugën Tiranë-Rinas, pranë Qafës së Kasharit, ku persona të maskuar kanë ndaluar dhe i kanë marrë paratë një makine të blinduar, teksa po transportonte paratë e një banke private në vend.
Dyshohet se në makinë ishin duke u transportuar 2 milionë euro.
Por autoritetet ende nuk ka dhënë informacion zyrtar mbi ngjarjen.
Mësohet se janë ngritur postblloqe të shumta nga policia për kapjen e autorëve.
Këto janë fotot e automjeteve që kanë përdorur personat që grabitën automjetin e blinduar. Makinat janë gjetur në flakë Gjeç Kodër, në Fushë-Prezë.
Kjo është një taktikë që përdoret nga grabitësit për humbur gjurmët, është përdorur në tre grabitje e fundit të makinave që transportonin para në të njëjtën zonë.
Sipas dëshmitare dyshohet të jenë marrë disa thasë të mbushura me para që po transportoheshin drejt Aeroportit të Rinasit, nga një SHPSF e kontraktuar nga banka.
Sakaq në videon e mëposhtme të publikuar nga Tv Klan duken edhe momentet e grabitjes.
