Policia kërkon ndihmën e qytetarëve për kapjen e disa prej emrave më famëkeq të botës së krimit.
Në një njoftim për mediat, policia publikon fotot e tyre dhe apelon qytetarët që ti kontaktojë nëse kanë informacione që mund të çojë në lokalizimin e tyre.
Bëhet fjalë për Talo Çelën, Laret Haxhiun, Jani Alian, Ibrahim Licin dhe Erjon Llapushin.
“Për çdo informacion të vlefshëm që do të çojë në lokalizimin e vendndodhjes së këtyre personave, Policia e Shtetit vë në dispozicion shuma të konsiderueshme parash. Cilido që mund të disponojë informacione të vlefshme, të telefonojë në numrin e celularit 069 41 10 853, duke iu garantuar anonimat të plotë”, thuhet më tej në njoftimin e bluve.
