Policia e Elbasanit është vendosur pasditen e sotme në ndjekje të dy makinave “Porsche” dhe “Audi” në unazën e qytetit.
Mësohet se policia kishte marrë informacion se në dy automjetet udhëtonte, Erjon Llapushi, qe i mori jetën kamarierit Gazment Kurmaku, por pas verifikimit rezultoi se Llapushi nuk ishte në asnjërën nga dy makinat.
Kujtojmë se ngjarja ndodhi në fillim të muajit tetor, ku Erjon Llapushi shkoi së bashku me një tjetër person në kompleksin në dalje të qytetit të Elbasanit, ku shefi i shërbimit të restorantit, Gazment Kurmaku i kërkoi që të ngrihej nga tavolina ku ishte ulur, pasi ishte e rezervuar dhe të ulej në një tjetër, por Erjon Llapushi nuk pranoi.
Situata u agravua dhe Erjon Llapushi e goditi Kurmakun, i cili përfundoi në spital në gjendje të rëndë për të ndërruar jetë disa ditë më vonë në spitalin e Traumës në Tiranë.
