Një person është gjetur i pajetë në qytetin e Milotit.
Policia ka nisur menjëherë hetimin për të zbuluar rrethanat e ngjarjes së rëndë.
Paraprakisht dyshohet se qytetari mund të jetë aksidentuar pasi në vendngjarje janë gjetur copa të një makine të thyer.
Lidhur me ngjarjen ka reaguar zyrtarisht edhe policia e Lezhës, e cila ka bërë edhe identidifikimin e viktimës, Zef Keci, 68-vjeç.
Njoftimi i plotë:
Rreth orës 11:30, në aksin rrugor Milot -Kryqëzim i Arbërisë, është gjetur në anë rrugës nga kalimtarët, pa shenja jete, shtetasi Z.K. 68 vjeç, banues në Rrëshen. Nga veprimet hetimore paraprake të kryera, dyshohet që të jetë aksidentuar nga një mjet në lëvizje.
Në vendin e ngjarjes, janë gjetur dhe sekuestruar në cilësinë e proves materiale, pjesë të mjetit që dyshohet që e ka aksidentuar.
Grupi hetimor në vendngjarje vazhdon hetimet për identifikimin dhe kapjen e drejtuesit.
