Policia lajmëron se sot ka ndodhur një aksident në aksin rrugor që lidh Cërrikun me Mollasin, pranë fshatit Klos.
Dy makina janë përplasur me njëra-tjetrën dhe për rrjedhojë, shtetasja H. M., si dhe pasagjerja, shtetasja L. M., u plagosën, e janë dërguar në spital e ndodhen jashtë rrezikut për jetën.
Njoftimi i policisë:
Elbasan/Informacion paraprak
Rreth orës 09:30, në aksin rrugor Cërrik-Mollas, në fshatin Klos, mjeti tip “Volksëagen” me drejtues shtetasin A. M. është përplasur me mjetin tip “Renault” me drejtues shtetasen H. M.
Si pasojë e përplasjes është dëmtuar drejtuesja e mjetit tip “Renault”, shtetasja H. M., si dhe pasagjerja, shtetasja L. M., të cilat janë dërguar në Spitalin Rajonal Elbasan, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
