Gjendja e portierit të Ballkanit, Stivi Frashëri, aktualisht është e qëndrueshme.
Kështu ka deklaruar për Klankosova.tv ushtruesi i detyrës së Spitalit Rajonal të Gjilanit, Arsim Emini.
Emini tha se gjendja e tij është duke u monitoruar dhe tani për tani s’ka rrezik.
“E kemi pranuar një pacient. Është ekzaminuar nga kirugu kujdestar që ka qenë. Nuk vërehet për ndonjë thyerje. Ka shtype në zonën e trupit dhe të kokës. Momentalisht nuk ka ndonjë rrezik”.
“Në spital është ardh me vetëdije, ndonëse në vendin e ngjarjes ka deklaruar se i kishte humbur vetëdija. Tashmë është duke u monitoruar. Bashkë me të ka ardhur edhe mjeku i skuadres së Ballkanit”.
Portieri i Ballkanit, Stivi Frashëri është sulmuar nga tifozët, pasi Gjilani ka barazuar rezultatin. Ndeshja më pas është pezulluar.
