Një bandë që shfrytëzonte vajzat për prostitucion është shkatërruar nga policia e Tiranës. Lajmin e dha vetë drejtori i Policisë së Tiranës, Ervin Hodaj njoftoi me anë të një konference për shtyp.
Sipas Hodajt, janë arrestuar 11 persona pas një hetimi 5-mujor. “Në arrestimet e bëra në disa prej ambienteve, janë konstatuar edhe lëndë narkotike”, tha Hodaj.
Në pranga është vendosur edhe një vajzë, e cila mësohet se rekrutonte femrat që më pas shisnin trupin.
Mësohet se polici i arrestuar kishte si mision që të njoftonte taksistët për ndonjë hetim apo aksion që mund të bënte policia për aktivitetin e tyre. Por këtë herë ai duket se nuk ka mundur që të njoftonte sepse edhe vetë ka qenë nën hetim.
Policia e Tiranës në bashkëpunim me SH.Ç.B.A dhe Prokurorinë e Rrethit Gjyqësor Tiranë ka finalizuar Operacionin “Free Taxi” , në drejtim të goditjes së “Shfrytëzimit të femrave për prostitucion”.
Si rekrutoheshin vajzat
Shtetaset Ambra I, Fllanxe. A , dyshohen se rekrutonin vajza të moshave të ndryshme për të ushtruar prostitucion dhe klientet siguroheshin prej organizatorëve.( taksistët) Shuma per çdo klient shkonte nga 50 në 150 euro. Aktiviteti i tyre kriminal kamuflohej dhe lehtësohej nëpërmjet aktivitetit si taksist duke bërë të mundur transportimin e vajzave që ushtrojnë prostitucion në Hotele dhe ambjente të tjera (që njësohen me to), për të kryer prostitucion. Gjithashtu dyshohet se këta shtetas në disa raste kanë siguruar dhe lëndë narkotike të llojit kokainë, të cilën ua shisnin klientëve. Nga arrestimet e bëra në disa prej ambienteve jane konstatuar lëndë narkotike e llojit kokainë ne disa porcione ku jane sekuestruar disa doza kokaine dhe mjete për përdorim të lëndëve narkotike.
Ja emrat e të ndaluarve:
1. Fllanxe A., 37 vjeçe, lindur në Dibër, me shtetësi Maqedonase dhe banuese në Tiranë. Arrestuar për veprën penale të “shfrytëzimit të Prostitucionit”.
2. Ambra I., 21 vjeçe lindur dhe banuese në Tiranë, e dënuar më parë për të njëjtën vepër penale. Arrestuar për veprën penale të “shfrytëzim prostitucionit”.
3. Anxhela Xh., 36 vjeçe, banuese në Tiranë. Arrestuar për veprën penale të “Prostitucionit” dhe “Shfrytëzim Prostitucioni”.
4. Maringlen Ahmetaj, 33 vjeç, banues në Tiranë, “taksist ”. Ndaluar për veprën penale të “Shfrytëzim Prostitucionit” dhe “Shitjes narkotikëve”.
5. Arben Bici, 36 vjeç, banues në Tiranë, “Taksist”. Ndaluar për veprën penale të “Shfrytëzim të Prostitucionit në bashkëpunim”.
6. Përparim Kola, 41 vjeç, lindur në Pukë dhe banues në Tiranë, “Taksist”. Ndaluar për veprën penale të “Mos kallëzim të krimit”.
7. Kujtim Karamuça, 50 vjeç, lindur në Librazhd dhe banues në Tiranë,“ Taksist”. Ndaluar për veprën penale të “Shfrytëzimit të Prostitucionit” dhe “Shitjes së narkotikëve”.
8. Lendi Stefani, 47 vjeç lindur dhe banues në Tiranë. Arrestuar për veprën penale “Përshtatja e ambienteve për përdorim droge”.
9. Gjergji Rusa, 24 vjeç, lindur dhe banues në Tiranë. Arrestuar për veprën penale të “Prostitucionit”.
10. Albion Todri, 32 vjeç, lindur ne Berat dhe banues ne Tiranë. Arrestuar për veprën penale “Shitje, prodhim narkotikësh” dhe “Prostitucion”.
11. Elton Shtrepi, 32 vjeç, banues në Tiranë me detyrë punonjës policie. Ndaluar për veprën penale të “Ushtrimi i ndikimit të autoritetit të paligjshëm”, “Shfrytëzim prostitucioni kryer në bashkëpunim” dhe “Moskallëzim krimi”.
Janë proceduar në gjendje të lirë:
1. E. S., 37 vjeç banues në Tiranë, proceduar për veprën penale të “Prostitucionit”.
2. G. K., 41 vjeç lindur dhe banues në Tiranë, proceduar për veprën penale të “Prostitucionit”.
3. A. B., 33 vjeç lindur në Dibër dhe banues në Tiranë. Proceduar për veprën penale të “Prostitucionit”.
4. R. D., 32 vjeç lindur në Dibër dhe banues në Tiranë. Proceduar për veprën penale të “Prostitucionit”.
5. O. P., 26 vjeçe, lindur në Fier dhe banues në Tiranë. Proceduar për veprën penale te “Prostitucionit”.
6. I. Gj, 28 vjeçe, lindur dhe banuese në Elbasan. Proceduar për veprën penale të “Prostitucionit”.
7. J. S., 35 vjeçe , lindur në Durrës dhe banuese në Tiranë. Proceduar për veprën penale të “Prostitucionit”.
8. A. B., 28 vjeçe, lindur dhe banues në Elbasan. Proceduar për veprën penale të “Prostitucionit”.
9. M. T., 22 vjeçe, lindur dhe banuese në Tiranë. Proceduar për veprën penale të “Prostitucionit”.
10. G. H., 32 vjeçe banuese në Tiranë. Proceduar për veprën penale të “Prostitucionit”.
Gjithashtu është shpallur në kërkim shtetasi :
M .K., banues në Tiranë i dyshuar për veprën penale të “Shfrytëzimit të Prostitucionit”.
