Lideri historiki PD-së Sali Berisha, në një deklaratë për mediat, u pyet nga gazetarët nëse mund të ketë negociata për të bashkuar Partinë Demokratike.
Për Berishën, Bashizmi ishte doktrinë e dhunimit të statutit. Ish-kryeministri theksoi se Kryesia nuk ekziston, sepse është shkarkuar nga Komisioni i Rithemelimit.
Berisha u shpreh se ka vetëm një PD, duke shtuar se do bëhet gjithçka për të garantuar votën e lirë.
“Së pari dua të garantoj demokratët në të gjitha nivelet nga anëtar i thjesht te depitetë e me radhë se PD është e hapur dhe vullnet plotë për të diskutuar dhe debatuar me çdo anëtar të saj cilido qoftë ai. Jemi të hapur të bëjmë gjithçka për garantimin e votës së lirë dhe bashkimin rreth votës së lirë.
Nëse nuk bëhet më fjalë për një kryesi të shkuarkuar më 11 Dhjetor, kjo nuk do të thotë se fjala e demokratëve cilido qoftë ai nuk dëgjohet. Fola për 11 Dhjetorin por sanksionimin më të plotë 11 Dhjetori e mori me datë 6 Mars. Ajo që unë dua të theksoj dhe siguroj është se PD ka institucionin e saj tashmë operativ dhe të plotrë dhe ky është grupi parlamentar të dalë nga Kuvendi i 11 Dhjetorit.
Por unë gjykoj se debate se brenda grupit parlamentar mund të zhvillohet çdo debat mund të diskutohet për çdo gjë. Sikundër dua të theksoj dhe ftoj miqtë e mi të mos harrojmë Bashizmi ishte doktrinë e dhunimit të statutit, institucioneve dhe parimeve të partisë. Ai u arkivua bashkë me dorëheqjen e Lulzim Bashës. Askush nuk mund të mendojë të paraqesë sikur ekzistojnë dy parti demokratike. Ekziston vetëm një dhe vetëm parti demokratike”, deklaroi Berisha.
Lexo edhe:
Berisha ‘zbulon’ dy personat që luajnë bllofin: I mbushin xhepat te zyrat e Fugës
