Gazetari Klodian Tomorri ngre dyshime se pas deklaratave të kryeministrit Edi Rama se vendi mund të përjetojë mungesën e naftës, qëndron një marrëveshje e dyshimtë me një biznesmen të kërkuar nga autoritetet indiane.
Sipas Tomorrit, Rama ka zhvilluar bisedime dhe planifikon të blejë naftë nga Nitin Sandesara, indiani me nënshtetësi shqiptare, për të cilin është raportuar se ka lidhje me figura të pushtetshme në Shqipëri.
Në një postim në FB, të titulluar “Pazari pas terrorit”, Tomorri shkruan:
Qeveria po bombardon publikun me idene se do te behet kiameti, nuk do te kete me nafte ne treg. Keto deklaratat behen publikisht. Nen rrogoz behen gjera edhe me te cuditshme.
Qeveria shqiptare ka disa dite qe po negocion me personazhe kontroversiale per te gjetur nafte. Njeri prej tyre eshte nje biznesmen indian, i kerkuar nga autoritetet indiane per vjedhje bankash ne Indi.
Plani eshte qe ky do sjelle sasi te medha nafte ne Shqiperi nga Nigeria. Ajo qe nuk dihet eshte se qeveria do ta bleje vete naften apo do te jete vetem sekserja e ujdise dhe naften do ta bleje nje kompani private.
Para disa kohesh, nje nga keto kompanite e medha te tregtimit te naftes bleu nafte nga Nigeria me nje skeme te ngjashme si kjo qe po tentojne keta. 100 milione dollare gjobe i vune. Korrupsioni ne transaksionet energjetike eshte gjithmone ne lupen e autoriteteve nderkombetare.
Kjo fushate do mbaroje nafta, ndoshta po behet per te perligjur kete pazarin qe kane nder mend te bejne keta. Do blejne nafte nga Sandesara.
