Kryeministri Edi Rama lajmëroi këtë të Martë krijimin e një bordi të ngjashëm për çmimin e karburanteve edhe për çmimet e produkteve bazë.
“Për çmimet bazë po bëjmë dhe aty një Task Forcë. Po krijojmë një komitet teknik siç bëmë për pandeminë për të qenë gati që dhe këto teoritë e ekonomisë së tregut, vjen një moment që kur realisht është gjendje lufte aty, pastaj do futemi në një mënyrë apo në një tjetër. Por është shumë e rrezikshme se mund të komprometosh furnizimin. Dhe duke e shtrënguar atë që bën distributorin, mund ta çosh në bllokim se tendenca jote kur futesh nga jashtë në emër të interesit publik, në emër të njerëzve, në emër të shtetit është që ta ulësh ta çosh në cep. Por duhet shumë kujdes për të mos e çuar aty ku bllokohet zinxhiri. Se pastaj kalon në një përfundim të padëshiruar”, tha ai, gjatë një takimi me biznesmenë.
