Kastrioti mori një fitore me aromë mbijetesë përballë Teutës, ndërsa i mposhti këta të fundit me rezultatin minimal 1-0, me gol të shënuar nga braziliani Kaina.
Me këtë fitore krutanët e Emiliano Çelës dalin nga zona e ftohtë, ndërsa “zhysin” Teutën në ujra të turbëllta.
Pas kësaj fitoreje, Çela u shfaq shumë i lumtur, ndërsa ndihet krenarë për djemtë e tij dhe se kjo është skuadra që tekniku ka ndërtuar me mision mbijetesën.
“Ky është ekipi im që kam menduar dhe projektuar që prej ditës së parë. Kemi arritur në një ditë që ekipet e tjera shumë pak na rrezikojmë dhe jemi në një pikë që kemi ekuilibër. Jemi po prap dinamik, me rendiment. Kështu që jam i kënaqur nga të gjithë çunat dhe puna që kemi bërë. I vetmi shqetësim i imi është euforia, pasi kemi ende shumë punë.”
Reagimi i Teutës në pjesën e dytë: “E prisja që Teuta të reagonte, u kujdesshëm gjithë kohës. Kainas i dhamë detyrë që të kishte kujdes Aleksin. Ata duke parë këtë veprim tonin ndryshuan mënyrën e lojës, por ne kaluam me dy sulmues.”
Rritje në mënyrën e lojës: “I kemi dhënë shenjat nga mënyra e lojës që po bëjmë, e treguam te ndeshja me Partizanin. Thjesht jemi në proces pune e përmirësimi gjatë gjithë kohës. Do punojmë edhe më tej që edhe në momente më të vështira të jemi gati.”
Greca dhe Zogaj: “Është e rëndësishme që lojtarët të dinë të kthehen mbrapa e të marrin topin. Jam shumë i kënaqur shpresoj të vazhdojmë kështu.”
