Teuta ekipi kampion në fuqi i Superligës ka bërë dhe sot një hap shumë të madh mbrapa duke rrezikuar edhe rënien.
Në “Loro Boriçi”, ekipi i Arapit priste Kastriotin në një takim tepër të rëndësishëm për fatin e qëndrimit në Superiore e që në fakt u fitua nga krutanët me rezultatin minimal 1-0.
Durrsakët e nisën më mirë ndeshjen duke rrezikuar me Kotobellin 2 herë portën kundërshtare por golin e gjen Kastrioti që në 41’ përfiton nga një gafë në mbrojtjen durrsake.
Ishte Kaina ai që përfitoi për të kaluar krutanët përpara ndërsa ndeshja bëhet malore për Teutën. Në pjesën e dytë, janë totalisht kaotikë vendasit që nuk krijojnë dot raste të rrezikshme madje mund dhe të pësonin një tjetër gol nga Karakaçi që dribloi 5 lojtarë në 64’ e më pas topi nuk u devijua drejt portës.
Teuta tenton në çdo mënyrë për të arritur te goli që nuk vjen dhe është Kastrioti që festoon duke dalë nga zona e rrezikshme e tabelës dhe tani është vetëm 3 pikë larg Teutës dhe lë pas Egnatian.
