Kryeministri Edi Rama deklaroi se i vjen turp që shqiptarët, sipas tij, janë i vetmi vend në Europë që “proteston për pasojat e luftës në Ukrainë”.
“Mua sot më vjen turp që Shqipëria është i vetmi vend i NATO-s dhe i Europës që protestohet për pasojat e para të luftës në Ukrainë. Vetëm ata që bëjnë sikur nuk kuptojnë dhe të tjerë që dëgjojnë nga këtat, thonë se kërcimi i çmimit të naftës nuk është pasojë e luftës”, tha Rama, në një komunikim nga FB.
Rama deklaroi se qeveria po merr kosto financiare 650 mln euro në rastin më keq apo 250 mln euro në rastin më të mirë në vit për mos rritjen e faturave të energjisë të 762 mijë familjeve rezidente në Shqipëri dhe 95 mijë bizneseve të vogla.
“E kemi treguar ndjeshmërinë tonë. Asnjë familje shqiptare dhe asnjë biznes i vogël nuk e paguan vetë faturën e rritjes së energjisë, por me qeverinë. Thuajse 80% e paguan qeveria aktualisht energjinë. Këtë nuk e ka bërë asnjë qeveri tjetër në Europë. Në Greqi, Itali e Kosovë është rritur çmimi i energjisë”, shtoi kryeministri.
Ai ripërsëriti se “taksat e naftës nuk do të hiqen, sepse çmimi i energjisë nuk do të rritet”.
“Taksat e naftës nuk do të hiqen. Për këtë nuk ka protestë me drita iPhonë dhe bllokim rrugësh me goma X5 që e zhbën”, tha ai.
Kryeministri u shpreh gjithashtu se qeveria do të paguajë për funksionarët e shtetit, vetëm 50% të faturës së karburantit të harxhuar. “50% ti paguajnë nga xhepi”, shtoi.
