Ka krijuar një zhurmë të madhe mediatike lajmi që qarkulloi gjatë paradites së sotme ku Neymar dhe Donnarumma janë përplasur ashpër mes tyre. Shkaku siç shkruhej është gafa e portierit italian në rastin e golit të parë të Benzema dhe braziliani i ka kërkuar llogari lojtarit italian ndërsa ky i fundit është justifikuar fillimisht se ishte faull e më pas nga fjalët të dy lojtarët mësohet të jenë ndarë nga skuadra.
Gjithsesi, reagimi i madh që ka shkaktuar ky lajm ka detyruar Neymar të bëjë gjithçka publike. Sulmuesi brazilian ka publikuar bisedën me Giggi Donnaruman dhe ku sulmon gazetarët se kanë shkruar një lajm të pavërtetë.
“Përshëndetje Ney. Me vjen keq per dje. Ky lajm është i papranueshëm.” Ish-lojtari i Barcelonës u përgjigj portierit: “Rri i qetë. Në futboll mund të ndodhë. Ne jemi një ekip dhe jemi me ty. Jeni ende shumë i ri dhe do të fitosh shumë gjëra. Ngrihu dhe vazhdo ashtu. Një përqafim”, ishte një nga bisedat mes dy lojtarëve.
Megjithatë, në artikullin tjetër, Neymar iu drejtua drejtpërdrejt gazetarëve: “Më pëlqen të komentoj lajmet këtu, por ai në postimin e mëparshëm është një gënjeshtër. Në dhomat e zhveshjes nuk pati asnjë përleshje! Gazetarë të paaftë që duan të reklamohen, provoni herën tjetër, mirë?”, ishte komenti tjetër i sulmuesit brazilian që përgënjeshtron çdo gjë.
