Lulzim Basha foli sërish këtë të enjte për situatën e krijuar në PD, ku një pjesë e madhe e deputetëve kërkojnë largimin e tij pas zgjedhjeve të 6 marsit.
Basha tha se “personalisht do bëj gjithçka që PD të dalë nga drama e pësuar nga 6 mars”, megjithatë nuk pranuar të japë dorëheqjen.
“Ne do të dimë të përballemi me situatën brenda familjes tonë. Do ta bëjmë atë duke vënë në punë vlerat më të mira njerëzore. Do ta bëjmë me një dialog me njëri-tjetrin dhe të gjithë shoqërinë, që t’i japë një goditje kësaj qeverisje”, tha Basha.
“Do të bëjë gjithçka që PD të dalë nga drama. Jam i gatshëm të bëjë gjithçka. Ama një gjë, kauza është forcimi, ringritja e PD. Kushdo që mendon se mund të më bëjë presion mua apo demokratëve, nuk bën gjë tjetër veçse i shërben shkatërrimit të PD. Ne kemi nisur një proces që prej së hënës, e kemi vazhduar të martën, do ta vazhdojmë edhe në ditët e ardhshme”, tha Basha, teksa u pyet nëse do të japë dorëheqjen.
I pyetur nëse është i gatshëm të garojë përballë Sali Berishës apo Agron Shehajt – të cilët janë shprehur për zgjidhje të krizës në PD me votë – Basha tha: “Është gjëja me e gabuar të më ftoni të bëj spekulime se unë se di që ka shpallur garë zoti Berisha apo zoti Shehaj”.
