Presidenti Donald Trump të shtunën (28 Nëntor) nënshkroi tre akte të reja tejet të rëndësishme ekzekutive, për të riorganizuar Këshillin Kombëtar të Sigurisë. Mes tyre ishte edhe vendosja e një ndalimi 5-vjeçar lobimi për të emëruarit e administratës dhe ndalimin e përjetshëm të lobimit të qeverisë për vendet e tjera, raportoi revista “Politiko”.
Ky lajm duket se do krijojë pakënaqësi dhe zhgënjim tek disa prej politikanëve shqiptarë, të cilët menjëherë pas zgjedhjes së Donald Trump si president, nisën punën intesivisht për të krijuar marrëdhënie lobimi me administratën e re.
SYRI.net ka mësuar se kryeministri Edi Rama prej kohësh ka nisur përpjekjet për të siguruar një kontratë lobimi me administratën e re në SHBA, i ndihmuar nga disa amerikano-shqiptarë të njohur aty, si Sal Rusi etj. Insistimi i Ramës ka qenë i madh pasi, ai kërkon me çdo kusht që të paktën të sfumojë dhe korrektojë sado pak qëndrimet e tij ekstreme dhe të paprecedent ndaj figurës së Trump, gjatë fushatës presidenciale.
Nga ana tjetër, aleati i tij armik Ilir Meta është treguar më i shpejtë dhe më pragmatist në këtë drejtim.
Më komode duket se kjo situatë është për Partinë Demokratike, e cila faktikisht i ka tradicionale dhe të forta lidhjet me partinë Republikane që aktualisht është në pushtet, në Shtetet e Bashkuara të Amerikës dhe mungesa e një lobimi të paguar pas urdhrit të Trump, nuk i prishë aq shumë punë sa Edi Ramës dhe Ilir Metës.
Ndalimi i lobimit është një risi për qeverinë amerikane dhe administratën e saj pasi ata të cilët janë pjesë e kësaj administrate u ndalohet lobimi për pesë vjet pas largimit nga qeveria. “Nëse ju doni që të punoi në këtë administratë, nuk mund të kërkoni të përfitojnë nga kjo administratë”, deklaroi një zyrtar i lartë i stafit të presidentit Trump për median në fjalë.
“Politiko” shkruan se, ndalimi i përjetshëm i lobimit të qeverisë për një qeveri të huaj mbetet për t’u parë pas mbarimit të mandatit të qeverisë së Trump, por ndalimi aktual do sjell mjaft pakënaqësi për ata politikanë që shpresonin që me anë të parave të tyre do të merrnin pak publicitet nga qeveria e Trump.
Qëllimi i këtij vendimi sipas Trump është që nëse dikush përfshihet në këtë administrate, nuk mund të marrë nga posti i tij publik përfitime personale. Kjo është krejtësisht e kundërta e asj që ndodhte me administratën Obama.
SYRI.net
