Provë të vjedhjes së 28 mln eurove e ka konsideruar Kryetarja e Komisionit Hetimor parlamentar për Inceneratorët, paratë e hedhura në djegësin e Fierit.
Një ditë pasi anëtarë të Komisionit Hetimor shkuan dhe panë nga afër këtë incenerator, Tabaku ka publikuar një seri fotosh, që sipas saj tregojnë korrupsionin që ka ndodhur me djegësit.
“Qytetarët panë se inceneratori i Fierit nuk ishte funksional, nuk përpunohej asnjë mbetje ndonëse inceneratori ka marrë të gjithë pagesën nga qeveria, ndërkohe që duhet të kishte përfunduar 3 vite më parë!
Ndërsa live gënjehej për 180 ton mbetje që “përpunoheshin” shqiptarët shihnin godina të bojatisura por pa asnjë funksion.
Deputetët dhe mediat e panë me sytë e tyre atë godinë që është realisht një vepër krimi pasi aty nuk përpunohet asgjë.
Kontratë korruptive, dhe mbi 28 mln euro të dhuruara Klodian Zotos dhe bandës së grupit të strukturuar kriminal.
Një vepër në kundërshti me direktivat e BE-së, dhe që do të jetë sipas KLSH me humbje në fund të ditës. Nje veper e dhene ne procedure korruptive, tre krimineleve tashme ne kerkim”, tha Tabaku.
Sipas saj, vetëm në vitin e parë që do të merret në pronësi nga shteti do t’i shtohet kostoja prej 7.2 mln eurosh.
“Askush që ka një sens të vogël për ligjin nuk mund ta mbrojë këtë aferë.
Asnjë deputet nuk mund të mbrojë këtë aferë në kurriz të qytetarëve.
Inceneratori i Fierir sot duhet të ishte skenë krimi dhe pagesat duhet të kishin ndaluar!”, thotë Tabaku.
