“Çfarë mund të bëjë Ilir Meta veçse të shpërndajë dekorata?! Tallje e madhe me ata njerëz. Dekorata pa asnjë kuptim e asnjë përmbajtje. Dekorata boshe.” Kështu u shpreh kryeministri Rama për Presidentin Meta gjatë një bisedimi me ndjekësit e tij në FB, ditën e sotme.
Zëdhënësi i Presidentit Tedi Blushi, me anë të një reagimi po në FB pas deklaratës së Ramës, u shpreh se mllef për Korçën e vlerave vetëm një pikto i dështuar mund te ketë.
“Ç’po na dëgjojnë veshët! Korça e arsimit, artit, kulturës dhe qytetarisë pa vlera? Teatri “Andon Zako Çajupi” pa vlera? Artistët e mirënjohur korçarë pa vlera? Kush ka më shumë vlerë? Zhgarravinat që shiten si piktura? Apo pocaqitë e baltës që shiten si “vepra arti”? Mllef dhe inat kaq të madh me Korçën e vlerave vetëm një piktor i dështuar anti-vlerë mund të ketë! Fale o Zot!”, shkruan Blushi.
Presidenti Meta ndodhej sot në Korçë ku mori pjesë në ceremoninë e vlerësimit të 4 artistëve të shquar korçarë, si dhe të Teatrit “Andon Zako Çajupi.”
