Kryeministri Edi Rama foli me elozhe për Presidentin turk Rexhep Tahip Erdogan, gjatë vizitës së zhvilluar këtë të Hënë në Laç.
Presidentin turk e quajti “mikun tim të çmuar”, ndërsa shtoi se ai është njeri i fjalës.
“Tanimë u bë vite që kam privilegjin të kem këtë detyrë dhe i kam takuar të gjithë këta burrat e mëdhenj të shteteve për shkak të detyrës dhe është e vërtetë që shpeshherë janë kurioz çfarë është kjo miqësi kaq e ngushte mes meje dhe Presidentit të Turqisë. Dhe zakonisht priren ta shohin këtë si një çështje konspiracioni. Jo Turqia ne otomane, jo xhamitë, jo aspiratat me Presidentin, etj, etj. Kurse përgjigja është shumë e thjeshtë: Presidenti Erdogan thotë atë që bën dhe bën atë që thotë. Dhe nuk është e shpeshtë në botën e sotme dhe diplomacinë e sotme që ‘po-në’ e kanë ‘po’ dhe ‘jo-në’ e kanë ‘jo’”, tha Rama.
Po ashtu, Rama deklaroi se Erdogan vepron sipas udhëzimit të profetit Muhamed kur bëhet për të ndihmuar.
“Mustafa Kemal Ataturku mbolli në shpirtin e Turqisë moderne frymën se njerëzimi është një trup i vetëm dhe çdo komb është pjesë e atij trupi. Ai tha se nuk mundet dot kurrë të themi çfarë rëndësie ka të themi se një pjesë e trupit është e sëmurë nëse ne s’jemi të sëmurë. Nëse një pjesë e trupit është e sëmurë ne duhet të shqetësohemi sikur të ishim ne të sëmurë. Këtë frymë presidenti Erdogan e ka rrënjosur thellë në shpirtin e Turqisë, në qasjen e Turqisë, në mënyrën sesi Turqia e shikon botën dhe miqtë e saj. Dhe kuptimi që ai i jep me vepra jo vetëm me fjalë fjalës vëllazëri është mishërimi i asaj që thotë profeti Muhamed paqja e zotit qoftë mbi të, asnjë nga ju nuk beson nëse nuk dëshiron atë që dëshiron për vëllain e vet”, u shpreh Rama.
“Gjatë kohës që kishte nisur puna me mikun tonë Muratin, në Turqi ra tërmet. Të gjithë këtu u alarmuan se thamë tani i ra tërmeti në shtëpinë e tij dhe thanë do harrojë rindërtimin këtu. Unë i thashë i bindur se kjo nuk do të ndodhi. Jo vetëm sepse Turqia i ka mundësitë që njëkohësisht ti bëjë të dyja, por dhe nëse nuk do ti kishte mundësitë, presidenti Erdogan nuk do linte punën këtu për të mbajtur fjalën, që të shikonte punën e tij. Sepse e përsëris dhe kjo është shumë e rëndësishme për mua, presidenti Erdogan jo vetëm e thotë, e mendon, e beson, por edhe e bën realitet atë që solla këtu pak më parë si një nga porositë e profetit: Nuk beson nëse nuk dëshiron për vëllain tënd atë që dëshiron për veten tënde”, shtoi ai.
Fjala e Ramës nga minuta e 37:00
